Psa 93 | ZomZIV | STEP | TOPA in uk a, thupina-in kituam hi; TOPA thupina-in kituam a, hatna in a kituam hi. Leitung buppi kiptakin kiphut kip a, a kiling thei kei ding hi.

Psalms 93

1 TOPA in uk a, thupina-in kituam hi; ^a
TOPA thupina-in kituam a,
hatna in a kituam hi.
Leitung buppi kiptakin kiphut kip a, ^b
a kiling thei kei ding hi. ^c
2 Tanglai pek pan na tokhom a kipsa hi a; ^d
nang a tawntunga omdensa na hi hi.
3 TOPA aw, tuipite kikhaangto uh a, ^e
tuipite in a aw uh sangsak uh hi; ^f
tuipite in a tuihual kilokpite sangsak uh hi. ^g
4 Tui lianpi hawk sanga a thahatzaw; ^h
tuipihual kisatte sangin zong a thahatzaw - ⁱ
a sangna a om TOPA a thahat hi.
5 TOPA aw, na ngeina kipte kho a;
bei ni a nei lo dingin
sianthona in na inn a zem hi.